Alvarleg bilun í Curiosity

Bilun kom upp í tölvubúnaði könnunarfarsins Curiosity, sem hefur verið rannsóknarstörf á plánetunni Mars síðustu sjö mánuði. Samkvæmt verkfræðingum hjá bandarísku geimvísindastofnuninni er bilunin sú alvarlegasta sem komið hefur upp frá því að farið lenti á rauðu plánetunni.

Tvær öflugar tölvur eru um borð í Curiosity, eins og venja er hjá könnunarförum NASA. Þegar villan kom upp fyrr í vikunni var ákveðið að slökkva á farinu tímabundið og færa alla starfsemi úr annarri tölvunni yfir í hina.

Richard Cook, stjórnandi leiðgangursins, sagði fréttamiðlum vestanhafs í dag að á tíma hefði mikil óvissa verið um hvort að Curiosity gæti yfir höfuð hafið störf að nýju. Rannsókn á tækjakosti og tölvubúnaði farsins leiddi þó í ljós að bilunin, þó alvarleg sé, komi ekki til með að hafa teljandi áhrif á rannsóknarvinnuna.

Þannig fær Curiosity verðskuldað leyfi næstu vikuna. Að veikindaleyfi loknu mun þessi vinnuþjarkur ræsa vélar sínar á ný og halda rannsóknum sínum á Mars áfram.