Herinn ofar velferðarkerfinu

Varnarmálaráðherra Bretlands, Philip Hammond, segir að hann muni mótmæla fyrirhuguðum niðurskurði til hersins þegar endurskoðun á útgjaldaáformum fjármálaráðherrans George Osborne fer fram. Fréttastofa Sky greinir frá.

Þessu lýsir hann yfir eftir yfirlýsingu frá forsætisráðuneytinu í síðasta mánuði þess efnis að herinn væri síður en svo friðhelgur fyrir fjármálaniðurskurði.

Segir Hammond að velferðarkerfið ætti að taka á sig stærsta skellinn, enda væri atvinnuleysi óðum að minnka og mun mikilvægara væri að „verja landið og halda uppi lögum og reglu".