Gorbachev segir ráðgjafa Putins vera þjófa og spillta embættismenn

Mikhail Gorbachev fyrrum leiðtogi Sovétríkjanna hefur fordæmt nýja löggjöf í Rússlandi sem hann segir að sé árás á réttindi almennings í landinu.

Í viðtali á BBC sagði Gorbachev að Putin ætti ekki að vera hræddur við þjóð sína. Jafnframt gagnrýndi hann nánustu samstarfsmenn og ráðgjafa Putins sem hann sagði hóp af þjófum og spilltum embættismönnum.

Löggjöfin sem hér um ræðir bannar mótmæli sem ekki hafa verið leyfð af hinu opinbera, hækkar sektir fyrir meiðyrði, takmarkar netnotkun og víkkar út hvað felst í hugtakinu landráð.