„Ég er sprengja - Jihad, fæddur 11. september“

Boucha Bagour, þrjátíu og fimm ára gömul frönsk móðir, hefur verið ákærð eftir að hún sendi þriggja ára son sinn í leikskóla í haust í stuttermabol með áletruninni: „Ég er sprengja."

Saksóknari ákvað að ákæra hana, og bróður hennar, eftir að leikskólastjórinn og kennararnir tilkynntu yfirvöldum um athæfið. Framan á bolnum stóð: „Ég er sprengja" og aftan á honum stóð: „Jihad, fæddur 11. september."

Þó að þetta líti ekkert sérstaklega vel út þá hefur mamman sínar skýringar. Í fyrsta lagi er sonur hennar skírður Jihad og hann fæddist 11. september árið 2010. Og í öðru lagi þá getur setningin framan á bolnum, „Je suis la bombe" einnig þýtt „Ég er bestur". Það er slangur sem ungt fólk notar. Hjá fullorðnum þýðir þetta einfaldlega: „Ég er sprengja"

Mamman sagði fyrir dómara að hún hafi gefið syni sínum bolinn í afmælisgjöf. „Markmið mitt var ekki að ögra eða hneyksla," sagði hún um leið og hún baðst afsökunar. „Þetta er nafnið á syni mínum og fæðingardagur hans. Ég hélt að fólki myndi finnast þetta fyndið."

Ef móðirin verður fundin sek á hún yfir höfði sér sekt upp á 160 þúsund krónur, og bróðir konunnar gæti fengið 500 þúsund króna sekt.

Dómarinn kveður upp dóm sinn 10. apríl næstkomandi.