Ótrúlegt myndband frá hrapi loftbelgsins í Egyptalandi

Ferðamaður í Egyptalandi náði ótrúlegum myndum af því þegar loftbelgur sprakk hátt yfir Dal konunganna í Egyptalandi í vikunni. Nítján manns fórust í slysinu sem átti sér stað skammt frá Lúxor. Belgurinn var í 300 metra hæð þegar eldurinn kom upp.

Tveir komust lífs af, flugmaðurinn og breskur ferðamaður. Þeim tókst að stökkva úr loftbelgnum augnabliki áður en hann skall á jörðinni. Þeir sem fórust voru ferðafólk frá Japan, Kína, Bretlandi og Ungverjalandi. Enn er ekki vitað um orsök sprengingarinnar.

Myndbandið birtist á YouTube í gær en þar má sjá aðdraganda og endanlegt hrap loftbelgsins. Mikil skelfing myndast meðal þeirra sem fylgdust með slysinu.

Hægt er að sjá myndbandið hér fyrir ofan.