Heita milljón dollurum í verðlaun fyrir upplýsingar um Dorner

Borgarstjórn Los Angeles hefur lagt fram milljón dollara, eða um 130 milljónir króna, sem verðlaun til þeirra sem geta gefið upplýsingar um Christopher Dorner, fyrrum lögreglumann sem talinn er hafa myrt þrjá menn, og sært tvo, í grennd við borgina.

Borgarstjóri Los Angeles segir það óviðunandi að þrautþjálfaður maður með alvæpni gangi gangi laus eftir þessi morð. Um 50 fjölskyldur manna sem unnu með Dorner á sínum tíma njóta lögregluverndar vegna hótana hans í garð þeirra.

Dorner segist hafa verið rekin vegna kynþáttahaturs árið 2008. Lögregluyfirvöld hafa lofað honum að endurskoða brottreksturinn ef hann gefur sig fram.