Drápssnigillinn þolir vel vetrarhörkur

Ný rannsókn leiðir í ljós að Spánarsnigillinn, einnig kallaður drápssnigillinn í Danmörku, á auðvelt með að lifa af í vetrarhörkum, jafnvel þegar frostið fer niður í 14 stig.

Þetta eru slæmar fréttir fyrir danska bændur og garðeigendur sem telja þennan snigil eina verstu plágu sem þeir hafa orðið fyrir á seinni tímum.

Rannsóknin sýnir að snigill þessi þolir það að allt að 60 til 70% af líkama hans frjósi. Hann lifir af frostið með því að stýra ísingunni í frumum sínum. Þar að auki getur hann myndað glúkosa sem virkar eins og frostlögur sem verndar frumurnar.

Það voru vísindamenn við háskólann í Árósum sem stóðu að þessari rannsókn.