Lungnakrabbamein að verða hættulegra konum en brjóstakrabbamein

Á næstu árum mun lungnakrabbamein yfirtaka stöðu brjóstakrabbameins sem helsta dánarorsök þeirra kvenna sem fengið hafa krabbamein í Evrópu.

Skýringin á þessu er sá mikli fjöldi kvenna sem byrjaði að reykja á sjöunda og áttunda áratug síðustu aldar.

Í frétt um málið á vefsíðu BBC segir að á þessu ári er reiknað með að hátt í 83.000 konur í Evrópu muni látast úr lungnakrabbameini en tæplega 89.000 úr brjóstakrabbameini.

Árið 2015 er reiknað með að þessar tölur hafi snúist við og að fleiri konur muni látast úr lungnakrabbameini en brjóstakrabbameini.