Fundu brot úr loftsteininum sem sprakk yfir Úralfjöllum

Rússneskir vísindamenn hafa fundið brot úr loftsteininum sem sprakk í loft upp yfir Úralfjöllunum fyrir helgina.

Um 1.000 manns slösuðust í sprengingunni og af þeim liggja 40 enn á sjúkrahúsi. Þá skemmdust um 3.000 byggingar í höggbylgjunni sem fylgdi í kjölfar sprengingarinnar

Loftsteinabrotin fundust á ís sem liggur á vatni þar sem talið er að leyfarnar af loftsteininum hafi skollið til jarðar.

Geimvísindastofnun Bandaríkjanna NASA telur að loftsteinninn hafi verið um 15 metra breiður og um 10 tonn að þyngd áður en hann sprakk í loft upp.