Richard Briers allur

Breski leikarinn Richard Briers, sem gat sér gott orð fyrir leik í gamanþáttunum The Good Life og Hálandahöfðingjanum (Monarch of the Glen), sem sýndur var á Rúv, er látinn 79 ára að aldri.

Briers hafði glímt við lungnaþembu í nokkur ár og ræddi opinberlega um veikindi sín í viðtali við Daily Mail í janúar. Þar kenndi hann reykingum um veikindi sín.

Kenneth Branagh er meðal þeirra sem hefur vottað Briers virðingu sína.

„Hann var þjóðargersemi, frábær leikari og einstakur maður. Hann var dáður og hans verður sárt saknað."

Minna hefur farið fyrir Briers í sjónvarpsþáttum og kvikmyndum undanfarin ár. Hann átti þó frábæra innkomu sem gestaleikari í sjónvarpsþáttunum Extras fyrir nokkrum árum eins og sjá má í spilaranum hér fyrir ofan.