Led Zeppelin á tónleikatúr? Plant er nú til í að vera með

Söngvari rokkhljómsveitarinnar Led Zeppelin, Robert Plant, gaf það í skyn við fréttaskýringaþáttin 60 minutes í Ástralíu á dögunum, að hann væri opinn fyrir því að koma aftur fram með hljómsveitinni árið 2014. Það þykir sæta stórtíðindum því Plant hefur alltaf staðið í vegi fyrir endurkomu hljómsveitarinnar.

Plant segist í samtali við þáttinn vera að bíða eftir svörum frá félögum sínum í hljómsveitinni, Jimmy Page og John Paul Jones, og segir samskiptaleysið stafa af því að þeir eru í stjörnumerkinu steingeitinni. „Þeir segja mér ekki neitt. Þeir eru þöglir sem gröfin og lifa sínu lífi núna, og ég fæ ekkert að vita um það. Ég er ekki sá vondi, þú verður að tala við steingeiturnar - ég hef ekkert að gera árið 2014," sagði Plant.

Síðast kom hljómsveitin saman árið 2007 í O2 höllinni í London. Þá hoppaði Jason Bonham, sonur trommarans John Bonham, inn í sveitina. En það var svo Plant sem neitaði að halda áfram á tónleikatúr.