Öflugir tölvuþrjótar starfa fyrir leynideild í kínverska hernum

Bandaríska tölvuöryggisfyrirtækið Mandiant telur að leynileg deild innan kínverska hersins sé einn öflugasti hópur tölvuþrjóta í heiminum í dag.

Deild þessi hafi staðið fyrir umfangsmiklun njósnum á netinu og stolið tölvugögnum frá yfir 140 stofnunum víða um heiminn. Þessi leynilega deild hefur aðsetur í ómerktri byggingu í Sanghai en þangað hefur Mandiant rakið þessar netnjósnir.

Eftir að frétt um málið birtist í New York Times mótmælti sendiráð Kína í Bandaríkjunum og sagði að tölvunjósnir væru ólöglegar í Kína og ekki stundaðar þar af opinberum aðilum.