Ísraelskur hermaður gerir allt vitlaust með mynd á Instagram

Ísraelski herinn rannsakar nú mynd sem hinn tvítugi hermaður, Mor Ostrovski, birti á Instagram á dögunum. Á myndinni sést hermaðurinn beina riffli að höfði palestínsks barns.

Myndinni var sett inn á samskiptaforritið í síðustu viku og síðan þá hefur hún farið víða. Mikil reiði er vegna birtingarinnar og þá ekki síst á samfélagsmiðlum á borð við Facebook og Twitter.

Fréttasíðan Electronic Intifada, sem er hlynnt málefnum Palestínu, fordæmir myndina og segir hana vera smekklausa og ómennska. Á síðunni má einnig finna fleiri myndir af Instagram-reikningi Ostrovski þar sem meðal annars eru myndir af vopnuðum hermönnum.

Myndin hefur nú verið fjarlægð af Instagram.