Mikil snjókoma lamar athafnalíf í Moskvu

Allt athafnalíf í Moskvu er meir og minna lamað í dag eftir mestu snjókomu í borginni og nágrenni hennar í eina öld.

Raunar hefur veturinn verið óvenju snjóþungur í Moskvu, en þar hefur fallið snjór síðan í haust sem svarar til yfir tveimur metrum af jafnföllnum snjó. Á meðalvetri samsvarar snjókoman í heild um 1,5 metra af jafnföllum snjó.

Í frétt um málið á vefsíðu Moskow Times segir að fyrir utan miklar truflanir á samgöngum í borginni sé fjöldi manns án rafmagns í nágrenni Moskvu. Reiknað er með að það haldi áfram að snjóa í Moskvu fram að helgi.