Jarðskjálfti upp á 8 stig skók Solomon eyjar í nótt

Jarðskjálfti upp á 8 stig skók Solomon eyjar í Kyrrahafinu í nótt. Fimm manns fórust og tveggja er saknað eftir að hús í nokkrum þorpum á eyjunum hrundu til grunna.

Flóðbylgjuviðvörun var gefin út og flóðbylgja sem var 1,5 metri á hæð skall á austurhluta eyjanna og eyðilagði þar íbúðahús. Hinsvegar var flóðbylgjuviðvörunin fljótlega blásin af fyrir nærliggjandi eyjar í Kyrrahafinu og búið er að blása hana af fyrir Solomon neyjar.

Upptök sjálftans voru á tæplega 30 kílómetra dýpi við Santa Cruz eyjar og honum fylgdu nokkrir eftirskjálftar þar af einn upp á 6,6 stig, að því er segir í frétt á vefsíðu BBC.