Níu ára stúlka ól barn

Níu ára gömul mexíkósk stúlka ól barn í lok janúar. Þetta fullyrðir fjölskylda stelpunnar og yfirvöld í ríkinu Jalisco við AFP fréttastöðina. Móðir stúlkunnar segir að hún hafi verið rétt rúmlega átta ára þegar hún varð ófrísk. Barnsfaðirinn er sautján ára en hann hvarf á braut þegar fréttist af þunguninni og hefur ekki látið sjá sig síðan.

Jorge Villasenor, hjá saksóknara, segir að embættið sé að leita að unga manninum til þess að heyra hans hlið málsins. Litla stelpan sé of ung til að skilja atburðarrásina. „Þetta er nauðgun eða barnamisnotkunarmál," segir Villasenor

Litla barnið kom í heiminn þann 27. janúar síðastliðinn. Barnið, sem er stúlka, vóg 2,7 kíló við fæðingu. Bæði móðirin og litla barnið voru útskrifuð af spítala um helgina, en þeim mun heilsast vel. Starfsfólk spítalans mun hins vegar fylgjast vel með þeim vegna ungs aldurs móðurinnar.