Flugfreyja gaf farþegum fingurinn - „Þetta er ekki höndin mín"

Flugfreyju hjá rússneska flugfélaginu Aeroflot var gert að taka pokann sinn á dögunum fyrir að hafa gefið flugfarþegum fingurinn. Tatiana Kozlenko birti myndina á rússneskum samskiptamiðli. Myndin fór á síðan á flug á Twitter og barst víða, þar á meðal til yfirmanna Aeroflot.

Tatiana var boðuð á fund og látin svara fyrir athæfið. Flugfreyjan var rekin og það þótti viðeigandi að tilkynna brottreksturinn á Twitter-reikningi Aerflot flugfélagsins.

Tatiana þvertók hins vegar fyrir að hafa veifað löngutöng í miðju flugi. Hún sagði að fingurinn væri ekki hennar.

„Þetta er ekki höndin mín," skrifaði Tatiana á Twitter. „Ég er ekki sek! Myndin var birt á síðunni minni. Það eina sem ég gerði var að „tagga mig" á henni.