Erlent

Lögðu hald á 4,1 tonn af kókaíni í Alicante á Spáni

Spænska lögreglan hefur lagt hald á 4,1 tonn af kókaíni og handtekið þrjá menn í tengslum við málið.

Þetta er næststærsti fíkniefnafundur í sögu Spánar en kókaínið fannst í vörugeymslu í héraðinu Alicante. Verðmæti þessa kókaíns er um 250 milljónir evra eða sem svarar til 43 milljarða króna.

Kókaínið var flutt til Spánar með skipi frá Kólombíu en það var falið í gámum með nautahúðum. Húðirnar hafði skóframleiðandi pantað.

Kókaínið var ætlað til sölu á Spáni og víðar í Evrópu, að sögn spænsku lögreglunnar.

Mest lesið


Fleiri fréttir

Sjá meira


×

Mest lesið