Neyðarástandi lýst yfir í New York

Andrew Cuomo, ríkisstjóri í New York, hefur lýst yfir neyðarástandi í ríkinu. Íbúar á austurströnd Bandaríkjanna búa sig nú undir eitt versta hríðarveður í manna minnum.

Samgöngu hafa farið úr skorðum í New York, Massachussetts og víðar hafa farið úr skorðum en snjó hefur kyngt niður í dag. Nú þegar hafa flugfélög aflýst rúmlega fjögur þúsund flugferðum vegna stormsins.

Þá hefur ríkisstjóri Massachusetts, Deval Patrick, lagt blátt bann á alla bílaumferð í ríkinu. Michael Bloomberg, borgarstjóri í New York, hefur að sama skapi biðlað til fólks um að halda sig innandyra.

Talið er að vindhviður muni ná fellibylsstyrk óveðrinu með tilheyrandi blindbil og snjókomu.