Páfi tilkynnti um hundruð nýrra dýrlinga

Fransis páfi tilkynnti í dag um hundruð nýrra dýrlinga, þar á meðal píslarvotta frá fimmtándu öld sem höfðu neitað að taka upp íslamska trú. Páfinn tilkynnti um þetta þegar hann predikaði fyrir tugþúsundum á Sankti Péturstorgi í dag.

Píslarvættirnir sem hafa verið teknir í tölu dýrlinga eru frá otranto og eru 813 talsins. Þeir voru myrtir í suðurhluta landsins árið 1480 en allir voru þeir Ítalir. Það voru Tyrkir sem drápu fólkið þegar það neitaði að afneita kristnidóminum.

Páfinn gaf að auki Kólumbíu sinn fyrsta dýrling í dag. Það er nunnan Lára sem, ásamt fimm öðrum konum, riðu inn í skógana í landinu árið 1914 og kynntu kristni fyrir hinum innfæddu sem þar bjuggu.