Eftirlýstur glæpamaður handtekinn nærri Alicante

Andrew Moran, rúmlega þrítugur Breti, var handtekinn nærri Alicante á Spáni en hann er á meðal helstu manna sem eru eftirlýstir í Bretlandi. Moran hefur verið á flótta í fjögur ár en hann var upphaflega handtekinn árið 2005 þegar hann, ásamt nokkrum öðrum mönnum, rændu póstþjónustu og höfðu 25 þúsund pund upp úr krafsinu.

Árið 2009  réðist hann á fjóra öryggisverði og tókst að flýja.

Moran var í sólbaði við heimili sitt ásamt kærustu sinni þegar sérsveit spænsku lögreglunnar handtók hann.

Hann reyndi að flýja en lögreglunni tókst að hafa hendur í hári hans. Á heimilinu fundust meðal annars skotvopn. skotfæri, sveðja og farsímar. Moran var fluttur til Madrid þar sem hann verður leiddur fyrir dómara á morgun þar sem framsalskrafa á hendur honum verður tekin fyrir.