Níu handteknir í tengslum við sprengingarnar í Reyhanli

Níu tyrkneskir ríkisborgarar hafa verið handteknir í tengslum við sprengingarnar í landamærabænum Reyhanli í Tyrklandi í gær.

46 létust í tveimur bílasprengjum og yfir 100 slösuðust. Þar af eru 29 lífshættulega slasaðir. Sprengjan sprakk í gærmorgun en bílarnir sprungu með fimmtán mínútna millibili. Innanríkisráðhera Tyrklands, Muammer Guler, segir það staðfest að tengsl séu á milli hinna handteknu og sýrlensku leyniþjónustunnar.

Bærinn er við landamæri Sýrlands en þar eru þúsundir flóttamanna frá landinu auk andspyrnumanna. Tyrkir styðja uppreisnina í Sýrlandi.

Yfirvöld í Damascus hafa neitað öllum tengslum við hryðjuverkin.