Frægasta skópar Presley fór á níu milljónir á uppboði

Frægasta skópar Elvis Presley hefur nú verið selt á uppboði í Los Angeles fyrir rúmlega níu milljónir íslenskra króna.

Skóparið hefur gengið undir nafninu „Blue suede shoes“ eftir lagi Carl Perkins sem Presley tók eftirminnilega á sjötta áratugnum.

Elvis mun hafa keypt skóparið eftir velgengi árið 1956 þegar lagið „Blue suede shoes“ sló rækilega í gegn í hans flutningi.

Chris Davidson, átti parið áður en hann hafði fjárfest í því árið 1994.

Upphaflega hafði Elvis Presley gefið svaramanni sínum, Joe Esposito, parið eftir að hann hafði lokið herskyldu sinni árið 1960. Elvis Presley lést þann 16. ágúst árið 1977.