Dolph Lundgren vitnar í íslenska vefsíðu

Hasarmyndaleikarinn Dolph Lundgren virðist afar sáttur við gagnrýni íslensku vefsíðunnar Filmophilia á nýjustu mynd Svíans, Universal Soldier: Day Of Reckoning.

Lundgren birti gagnrýni Atla Sigurjónssonar hjá Filmophilia á Facebook-síðu sinni á sunnudaginn. Tæplega 100 þúsund manns fylgja Lundgren eftir á Facebook og virðist sá sænski ánægður með dóm Atla. Stiklu úr kvikmyndinni má sjá í spilaranum hér fyrir ofan.

Lundgren er líklega þekktastur fyrir að leika hnefaleikakappann Ivan Drago í kvikmyndinni Rocky 4 árið 1985. Í myndinni er Drago svar Austurblokkarinnar við bandaríska hnefaleikakappanum Rocky Balboa sem leikinn er af Sylvester Stallone.

Lundgren kom hingað til lands í maí árið 1983 ásamt þáverandi unnustu sinni, söngkonunni Grace Jones. Jones hélt tónleika í Safarí við Skúlagötu.

Gagnrýni Atla sem Lundgren afritaði

"Somehow John Hyams seems to have "hijacked" the Universal Soldier series to make a brooding art-house movie of sorts, with echoes of Gaspar Noé and David Lynch, out of a 'Universal Soldier' sequel."

"Universal Soldier: Day Of Reckoning is a pretty standard action flick that's turned into a fascinating movie thanks to director John Hyams' wonderfully weird style and great command of the medium."

"Probably the best movie that could have been made out of this material"

- Atlisig, FILMOPHILIA

Gagnrýnina í heild sinni má sjá á vefsíðu Filmophilia, sjá hér.