Paulo Fonseca tekur við Porto

Portúgalinn Paulo Fonseca hefur verið ráðinn nýr knattspyrnustjóri Porto en hann tekur við af Vitor Pereira.

Stjórinn hafði gert magnaða hluti með Pacos de Ferreira sem hafnaði í þriðja sæti deildarinnar á tímabilinu.

Porto var því ekki lengi að tryggja sér þjónustu hans og gerir Fonseca tveggja ára samning við félagið.

Fráfarandi knattspyrnustjóri Pereira hafði áður samið við Al Ahli í Sádí-Arabíu, en hann hafði gert Porto að portúgölskum meisturum tvö ár í röð.