Slökkt á sterkeindahraðli CERN næstu tvö árin

Búið er að slökkva á sterkeindahraðli CERN undir fjöllunum á landamærum Sviss og Frakklands næstu tvö árin meðan nauðsynlegt viðhald á honum fer fram og endurbætur.

Í frétt um málið á vefsíðu BBC segir að vegna tæknilegra galla í hraðlinum í upphafi hafi aldrei tekist að keyra hann á fullu afli. Endurbótum er m.a. ætlað að laga þessa galla. Reiknað er með að taka hraðalinn í gangið aftur á seinnihluta ársins 2014.

Sterkeindahraðallinn er einna þekktastur fyrir að hafa fundið merki um Higgs bóseindina sem einnig hefur verið kölluð guðseindin en hún er talin geta útskýrt uppruna alheimsins.