Bandarísku flugfélögin American Airlines og US Airways tilkynntu samruna fyrirtækjanna í gær. Saman verða félögin að því stærsta í heimi, en Delta Airlines hefur hingað til trónað á toppnum. Sameinað félag verður kallað American Airlines.
Fjölmiðlar vestanhafs segja samrunann gera heildarverðmæti hins nýja félags um ellefu milljarða Bandaríkjadala, eða tæplega 1.500 milljarða íslenskra króna. Stjórnir flugfélaganna tveggja eru sagðar hafa hist á miðvikudag, sem markar lokakafla í viðræður sem staðið hafa yfir síðan í ágústmánuði í fyrra.
Kröfuhafar American Airlines munu eiga meginþorra í félaginu, eða um 72 prósent. Framkvæmdastjórinn verður þó yfirmaður US Airways, Doug Parker.
Stærsta flugfélag í heimi
