Kanna landvistarleyfi skiptinema

Útlendingaeftirlit Bandaríkjanna mun á næstu dögum kanna landvistarleyfi allra erlendra skiptinema í landinu.

Er þetta gert að beiðni Heimavarnaráðuneytis Bandaríkjanna sem freistar þess nú að koma í veg fyrir hryðjuverkaárásir á borð við þær sem áttu sér stað við endamark Boston-maraþonsins á dögunum.

Tilræðismennirnir nutu aðstoðar skiptinema sem földu gögn þegar leit að þeim stóð sem hæst.

Neminn var með ógilt landvistarleyfi og er sakaður um að hafa hindrað framgang réttvísinnar.