Eftirlaunaaldur í Portúgal hækkaður - 18 prósent atvinnuleysi

Nýjar og hertari niðurskurðaraðgerðir hafa veirð boðaðar í Portúgal. Hátt í þrjátíu þúsund opinberum starfsmönnum verður sagt upp og eftirlaunaaldur hækkaður. Sem stendur mælist atvinnuleysi í Portúgal átján prósent og hefur efnahagur landsins dregist saman þriðja árið í röð.

Forsætisráðherra Portúgal, Pedro Passos Coehlo, útlistaðir niðurskurðaraðgerðirnar í dag en þeim er ætlað að stemma stigum við bága efnahagsstöðu landsins. Rétt eins önnur lönd í Evrópu hefur Portúgal farið afar illa út úr efnahagskreppunni, atvinnuleysi er upp úr öllu valdi og samdráttur efnahagsins viðvarandi.

Því hefur verið ákveðið að grípa til róttækra aðgerða. Þrjátíu þúsund opinberir starfsmenn munu missa vinna sínu og þeir sem eftir verða þurfa að sætta sig á við lengri vinnuviku. Hún verður lengd um fimm klukkustundir en hefur hingað til verið þrjátíu og fimm stundir á viku. Þá verður eftirlaunaaldur hækkaður um eitt ár, frá sextíu og fimm árum í sextíu og sex.

Coehlo sagði á blaðamannafundi að þessar aðgerðir myndu á endanum spara Portúgalska ríkinu um sjö hundruð og fjörutíu milljarða króna á næstu árum. Jafnframt er þetta tilraun yfirvalda til að standast kröfur Evrópusambandið, Seðlabanki Evrópu og Alþjóða gjaldeyrissjóðurinn settu fyrir 78 milljarða evra neyðarláni árið tvö þúsund og ellefu.

Sem stendur mælist atvinnuleysi átján prósent í Portúgal og gert er ráð fyrir efnahagssamdrætti þriðja árið í röð.

Í síðasta mánuði freistaði Coehlo forsætisráðherra þess að auka tekjur ríkissjóðs með skattahækkunum. Málið var kært til stjórnarskrárréttar Portúgals sem dæmdi breytingarnar ólöglegar.