Stuðningsmaður númer eitt lést úr hjartaáfalli

Eitt af þekktustu andlitum matsölustaðarins "Heart Attack Grill" í Las Vegas lést í gær. Dánarorsökin var hjartaáfalli. Hann er annað launalausa andlit staðarins til þess að láta lífið á tveimur árum.

Hinn 52 ára gamli John Alleman hné niður þar sem hann beið eftir strætisvagni við veitingastaðinn í síðustu viku. Honum var haldið sofandi í öndunarvél þar til í gær þegar tilkynnt var um andlát hans.

Matsölustaðurinn er þekktur fyrir sína risastóru hamborgara, einstaklega fitandi mjólkurhristinga og franskar kartöflur eldaðar í svínafeiti. Slagorð fyrirtækisins er „Taste worth dying for" sem mætti þýða „Bragð sem fórna má lífinu fyrir".

Eigandi staðarins, Jon Basso, segir í samtali við Sun að Alleman hafi sótt staðinn heim á hverjum degi og hefði hvatt ferðamenn til þess að gera slíkt hið sama.

„Hann missti ekki úr dag, jafnvel á jólunum. Fólk elskaði hann. Hann hafði einstakt lag á því að ná til fólks," segir Basso.

Á þann hátt varð Alleman óopinbert andlit matsölustaðarins þar sem gengilbeinur klæddar sem hjúkrunarkonur bera fram matinn. Skopstæling af honum „Sjúklingnum John" prýðir matseðil staðarins.

Alleman var 82 kg að sögn Brasso þegar hann lést. Árið 2011 lét annar velunnari staðarins, Blair River, lífið 29 ára að aldri. Sá var 260 kg og var einnig vel þekktur af gestum og gangandi á veitingastaðnum.

Nánar um málið á fréttavef Guardian.