Líkur eru á að breytingar verði gerðar á fyrirkomulagi um páfakjör samkvæmt upplýsingum úr Vatíkaninu í dag. Kardinálar munu koma saman í mars til þess að velja nýjan páfa.
Benedikt sextándi varð á dögunum fyrsti páfinn í sex hundruð ár til þess að láta af störfum. Hann íhugar nú að gera breytingar á reglum um páfakjör sem forveri hans, Jóhannes Páll páfi annar, kom á fót í páfatíð sinni.
Önnur reglnanna snýr að framkvæmd páfakjörsins en hin um þann tíma sem getur liðið frá því að páfi hættir eða fellur frá og þar til nýr tekur við starfi hans.
Í reglum frá 1996 segir að páfakjör verði að hefjast 15 til 20 dögum eftir að staða páfans er laus. Benedikt páfi lætur af embætti 28. febrúar og því getur páfakjör í fyrsta lagi hafist 15. mars samkvæmt núverandi reglum.
Sumir kadinálar telja að páfakjör ætti að hefjast fyrr til þess að lágmarka þann tíma sem kaþólska kirkjan sé án leiðtoga samkvæmt frétt Reuters.
Fram
ÍBV
