Sýrlenskur knattspyrnumaður lét lífið

Knattspyrnumaður lét lífið í sprengjuárás við knattspyrnuleikvang í Damascus á Sýrlandi í dag.

Fréttavefurinn Sana segir tvær sprengjur hafa lent nærri Tishreen-leikvanginum þar sem leikmenn Al-Wathba og Al-Nawair voru á leið til æfinga.

Fleiri leikmenn slösuðust af völdum árásarinnar sem Sana lýsir sem hryðjuverkaárás. Barátta uppreisnarmanna og hersins hafa staðið yfir í marga mánuði.

Fréttirnar koma degi eftir að ríkisfjölmiðlar greindu frá því að tvær sprengjur hefðu lent nærri forsetahöllinni nærri Tishreen í öðru hverfi Damascus. Engin meiðsli urðu á fólki.

Samkvæmt uppreisnarhermönnunum létu yfir fimmtíu manns lífið í úthverfum Damascus í gær. Auk þess féll 31 í eldflaugaárás á Aleppo, næststærstu borg Sýrlands, í gær.

Fulltrúar Sameinuðu þjóðanna telja að um 70 þúsund manns hafi látið lífið á vígvellinum síðan uppreisnin á hendur Bashar al Assad, forseta landsins, hófst í mars 2011.

Nánar á fréttavef BBC.