Methopoly fyrir aðdáendur Breaking Bad

Aðdáendur sjónvarpsþáttanna Breaking Bad, sem hafa notið gríðarlegra vinsælda um allan heim, geta nú aldeilis fagnað því nú er mögulegt að spila hið sígilda spil Monopoly með tilvitnunum í þættina.

Spilið heitir Methopoly, en það er skírskotun í eiturlyfið met-amfetamín (e.meth) sem er rauði þráðurinn í þáttunum. Á meðal staða sem hægt er að kaupa í spilinu eru: Tuco's Shack, the White Residence, Madrigal Elevtormotive og Los Pollos Hermanos.

Spjaldinu Þú kemst frítt út úr fangelsi hefur verið skipt út fyrir Þú hringdir í Saul. Spilið verður ekki gefið út heldur er hægt að prenta út borðspilið, spjöld, hótel og hús, frítt á heimasíðu tileinkaðri spilinu.

Hönnuðurinn segist á heimasíðu Methopoly tileinka spilið aðdáendum þáttanna. „Þetta eru bestu þættir í sjónvarpssögunni - Njótið," segir hann.

Hægt er að sjá spilið hér.