Sá kærastann halda framhjá á internetinu

Hin rússneska Marina Voinova kom upp um framhjáhald kærastans á internetinu - það sem er kannski heldur óvenjulegt við þetta mál er að hún sá mynd af honum með annari konu í forriti sem er svipað og Google Maps.

Marina var að leita að heimilisfangi í forritinu sem heitir Yandex Maps, og virkar alveg eins og Google Maps. Ólíkt Google Maps þá eru andlit fólks ekki „blörruð" og því er fólk auðþekkjanlegt.

Þegar Marina fór að skoða myndina sem birtist þekkti hún kærasta sinn til fimm ára, Sasha, á myndinni sem tekin var fyrir ári síðan. Það sem staðfesti grun hennar að þetta væri í raun og veru Sasha var sú að fyrir ári síðan var hann handleggsbrotinn og með hendina í fatla.

„Þegar Sasha kom heim fór ég strax með hann inn í tölvuherbergi og bað hann um að fletta þessu tiltekna heimilisfangi upp. Þegar myndin kom á skjáin varð hann strax mjög fölur - andlit hans breytti hreinlega um lit. Ég horfði í augun á honum og beið eftir útskýringu," segir hún.

„Í fyrstu sá ég eftir því að hafa skoðað þetta tiltekna heimilisfang á internetinu, en auðvitað rann það upp fyrir mér að ég get ekki kennt internetinu um framhjáhald kærasta míns," segir hún.

Ekki fylgir sögunni hvort að þau hafi hætt saman.

Sjá má umfjöllun Live News hér (Fréttin er á rússnesku svo þú gætir þurft á túlki að halda)