Wen Jiabao segir frétt New York Times vera ranga

Lögfræðingar fjölskyldu kínverska forsætisráðherrans Wen Jiabao hafa vísað til föðurhúsanna frétt New York Times um að hún hafi rakað til sín hundruð milljarða króna á bak við tjöldin.

Í yfirlýsingu frá fjölskyldunni sem var birt í fjölmiðli í Hong Kong segir að vissulega hafi hún verið viðriðin ýmiss konar viðskipti en engin af þeim séu ólögleg. Bandaríska dagblaðið greindi frá því á föstudag að eignir fjölskyldu forsætisráðherranns næmu að minnsta kosti um 350 milljörðum króna. Þrátt fyrir yfirlýsingu fjölskyldunnar ætlar blaðið að standa við frétt sína, samkvæmt BBC.

Kínversk yfirvöld hafa fordæmt fréttaflutninginn og lokað var á vefsíðu New York Times í landinu. ?Hin svokölluðu ?földu auðæfi? fjölskyldu Wen Jiabao í frétt New York Times eru ekki til,? sagði í yfirlýsingunni. Lögfræðingarnir bættu því við að Wen hefði ekki átt neinn þátt í viðskiptum fjölskyldunnar.

Í svari New York Times sagði talsmaður blaðsins: ?Við stöndum við fréttina okkar, sem við erum ótrúlega stolt af. Hún sýnir vel gæði rannsóknarblaðamennskunnar sem The Times er svo þekkt fyrir.? Fréttin var byggð á skjölum frá árunum 1992 til 2012.

- fb