Vildi breyta sér í stelpu en hætti síðan við

Ria Cooper varð fræg í Bretlandi í fyrra fyrir að vera yngsta manneskjan til þess að láta leiðrétta kyn sitt.

Þá varð Ria 17 ára gamall í líkama stráks, en ákvað að láta breyta líkama sínum í líkama stelpu. Nú ári síðar hefur Ria ákveðið að hætta breytingaferlinu og vera áfram strákur, eftir því sem Daily Mail greinir frá. Ria hefur því ákveðið að hætta við allar þær aðgerðir sem eftir á að gera til þess að hann verði kona. Til dæmis er Ria hætt á kvenhormónameðferðinni sem átti að leiða til þess að brjóst myndu vaxa á líkamanum.

Ástæða breytinganna er sú að Ria finnst breytingarnar á líkamanum yfirþyrmandi. Ria gekkst undir umfangsmikið sálfræðimat áður en kynbreytingaferlið hófst. Þrátt fyrir það hefur Ria liðið vítiskvalir síðan breytingaferlið hófst. Svo miklar hafa kvalirnar verið að Ria hefur tvisvar reynt að fyrirfara sér.