Flugsamgöngur til New York hefjast í dag

Flugsamgöngur til og frá New York munu hefjast að nýju í dag á tveimur af þeim þremur alþjóðaflugvöllum sem eru við borgina. LaGuardia, sá minnsti þeirra. verður hinsvegar áfram lokaður.

Bæði John F. Kennedy og Newark Liberty flugvellirnir verða opnaðir fyrir umferð en reiknað er með að það taki nokkra daga þar til umferðin verður komin í eðlilegt horf.

Á venjulegum degi fara um 300.000 farþegar í gegnum þessa þrjá flugvelli. Þeir sem fljúga til New York í dag mega búast við miklum vandræðum með að komast til og frá flugvöllunum þar sem almenningssamgöngur í New York eru enn í lamasessi eftir ofsaveðrið í gærdag.