Hrossakjöt í stað nautakjöts

Gestir á veitingastöðum og kaffihúsum í Södertälje í Svíþjóð fá ekki alltaf á diskinn þann rétt sem þeir pöntuðu af matseðlinum.

Það sem þeir telja vera nautasteik er stundum hrossakjöt og rauðsprettan er einhver allt önnur fisktegund.

Könnun fulltrúa umhverfisskrifstofunnar í borginni á 89 stöðum leiddi í ljós að á 67% þeirra voru réttar matartegundir ekki bornar fram í einu eða fleiri tilfellum. Talið er að bæði sé um svindl og vankunnáttu að ræða.

Kannanir í nokkrum öðrum sveitarfélögum í Svíþjóð hafa leitt svipaðar niðurstöður í ljós.