Vill að útlendingar verði merktir

Meirihluti þingflokks Sannra Finna á finnska þinginu vonast til þess að þingmaðurinn James Hirvisaari segi upp aðstoðarkonu sinni, Helenu Eronen, vegna fjandsamlegs bloggs hennar í garð útlendinga og minnihlutahópa.

Eronen skrifaði meðal annars að ef allir útlendingar bæru merki sem sýndi uppruna þeirra gæti lögreglan til dæmis strax séð hvort um væri að ræða múslíma frá Sómalíu eð betlara frá Rúmeníu.

Hirvisaari hefur sjálfur bloggað um málið og sagt að fréttamenn hafi vísvitandi misskilið háð Eronen.

-ibs