Ranieri tekur við Monaco

Claudio Ranieri á níu líf í boltanum og hann hefur nú verið ráðinn þjálfari franska liðsins Monaco til næstu tveggja ára. Ranieri tekur við starfinu af Marco Simone. Hann hafði verið atvinnulaus síðan í mars er hann var rekinn frá Inter.

Ítalinn á verk fyrir höndum hjá franska liðinu enda er Monaco í næstefstu deild þar í landi og uppbyggingarstarf fram undan.

WBA var á meðal þeirra liða sem vildu einnig fá Ranieri í vinnu en liðið þarf að leita annað en til Ranieri þar sem hann er búinn að binda sig.