Lögðu hald á 15 tonn af amfetamíni

Herinn í Mexíkó hefur lagt hald á 15 tonn af svokölluðu metamfetamíni en fíkniefnið fannst í héraðinu Jalisco. Þetta er stærsti fíkniefnafundur í sögu Mexíkó en verðmæti amfetamínsins hleypur á hundruðum milljarða króna.

Amfetamínið fannst á búgarði en þar voru einnig til staðar 7 tonn af ýmsum efnum sem notuð eru til amfetamínframleiðslu og tæki og tól til framleiðslunnar.

Yfirvöld í Mexíkó telja að þessi fíkniefnafundur sýni að glæpagengi í Mexíkó eru farin í auknum mæli að framleiða eigið amfetamín og smygla því í stað kókaíns til Bandaríkjanna.