Spænskir bankar setja íbúðir á brunaútsölu

Reiknað er með að fasteignaverð á Spáni muni hrapa á næstunni þar sem bankar landsins ætlar að setja tómar íbúðir í sinni eigu á brunaútsölu.

Þetta kemur fram í New York Times. Hingað til í kreppunni hafa bankarnir haldið í þessar fasteignir sínar eða þá selt þær með minniháttar afslætti til að halda fasteignaverðinu uppi á Spáni. Þannig hefur verð á fasteignum aðeins lækkað um 27% frá árinu 2007 þrátt fyrir að gífurlegur fjöldi af tómum íbúðum sé til staðar í landinu.

Sem dæmi um brunaútsöluna má nefna að Banesto bankinn setti nýlega 1.800 íbúðir í sölu og býðst allt að 80% afsláttur á skráðu verði þeirra.