Grunaðir raðmorðingjar handteknir

Lögreglan í Frakklandi hefur nú handtekið tvo menn sem grunaðir eru um aðild að fjórum morðum sem framin voru í landinu. Talið er að um raðmorðingja sé að ræða en fyrsta morðið var framið í nóvember í fyrra og það fjórða í byrjun þessa mánaðar.

Lögregla segir að sama byssa hafi verið notuð í öllum árásunum en hún hefur enn ekki fundist. Morðinginn flýði á mótorhjóli eftir morðin líkt og Mohamed Merah, fjöldamorðinginn í Toulouse gerði í síðasta mánuði. Að öðru leyti eru málin ekki talin tengjast en ástæða árásásanna er enn á huldu.