Tupac flutti lag á Coachella hátíðinni í gær

Rapparinn Tupac Shakur tróð upp á Coachella tónlistarhátíðinni í gær - þrátt fyrir að hafa verið látinn í meira en 15 ár.

Með hjálp heilmyndartækni steig Tupac á svið og flutti "2 of Amerikaz Most Wanted" ásamt fleiri lögum. Það vakti síðan athygli þegar Tupac nefndi „Coachella" hátíðina sjálfa að nafni.

Dr. Dre og Snoop Dogg heilsuðu síðan upp á Tupac. Þá voru Eminem, 50 Cent og Wiz Khalifa einnig á staðnum.

En þrátt fyrir aragrúa þekktra tónlistarmanna var það heilmynd Tupac Shakur sem stal senunni.

Tónlistarmenn á borð við Rihönnu og Questlove út The Roots birtu skilaboð á Twitter þar sem þau lýstu skoðunum sínum á uppátækinu:

#TupacBACK#unbelievable#IWASTHERE#STORY4myGrandKidz

— Rihanna (@rihanna) April 16, 2012

That Pac Hologram haunted me in my sleep. Rest In Peace 2pac.......#OkIWill!!!!!!!!!!

— Questo of The Roots (@questlove) April 16, 2012

Hægt er að sjá myndband af heilmynd Tupac „Makaveli" Shakur flytja lag á Coachella hátíðinni hér fyrir ofan.