Fundu stór krabbadýr á 7 kílómetra dýpi

Vísindamenn hafa fundið stór krabbadýr á 7 kílómetra dýpi undan ströndum Nýja Sjáland. Krabbar þessir eru kallaðir ofurrisar því þeir eru tífalt stærri en þeir krabbar af sömu tegund sem fundist hafa áður í heiminum.

Krabbarnir eru af tegundinni amphipod, og líkist helst rækjum. Þeir verða yfirleitt ekki stærri en 2 til 3 sentimetrar á lengd. Krabbarnir sem fundust við Nýja Sjáland voru hinsvegar tæplega 30 sentimetrar á lengd.

Stærstu krabbar af þessari tegund sem áður hafa fundist voru á miklu dýpi við Suðurpólinn en þeir mældust 10 sentimetrar á lengd.