Miklar óeirðir á götum Aþenu í nótt

Miklar óeirðir voru á götum Aþenu og víðar í Grikklandi í gærkvöldi og langt fram á nótt meðan á umfjöllun þingsins stóð um skilyrðin fyrir nýju neyðarláni. Kveikt var í yfir 30 byggingum í borginni, þar á meðal kvikmyndahúsum, veitingastöðum og bönkum.

Eignatjónið er gífurlegt en tugþúsundir manna voru á götum borgarinnar, einkum í kringum þinghúsið þar sem umræður um skilyrðin fyrir nýju neyðarláni voru rædd á hitafundi sem stóð þar til um ellefuleitið í gærkvöldi.

Mótmælin héldu svo áfram langt fram á nóttina og notaði lögreglan táragas til að kveða þau niður. Ró var að mestu komin á borgina í morgunsárið. Ekki liggur ljóst fyrir hve margir slösuðust í þessum.

Gríska þingið samþykkti þau skilyrði sem Alþjóðagjaldeyrissjóðurinn og Evrópusambandið settu fyrir nýju neyðaláni til Grikklands upp á 130 milljarða evra. Í skilyrðum felst meðal annars að lágmarkslaun verða lækkuð um rúmlega 20% í landinu og fjölda opinberra starfsmanna verður sagt upp störfum. Þá verður ellilífeyrir einnig lækkaður.