Presthjón sökuð um að myrða börn sín - sögðu þau andsetin

Lögreglan í Suður-Kóreu hefur handtekið prest og eiginkonu hans í tengslum við lát þriggja barna þeirra. Hjónin eru sökuð um að hafa hýtt börnin og svelt þau. Presthjónin segjast hafa verið að reyna að reka illa anda út úr börnum sínum.

Börnin, sem voru tíu, átta og fimm ára gömul, fundust látin um helgina á heimili sínu. Fólkið hefur viðurkennt að hafa barið börnin og vísuðu þau meðal annars í biblíuna þar sem segir á einum stað að ekki skuli hlífa börnum við aga.