Jarðarför Whitney Houston fer fram seinna í vikunni

Söngkonan Whitney Houson verður borin til grafar seinna í þessari viku. Jarðarförin mun fara fram í Newark í New Jersey.

Houston lést á laugardaginn síðastliðinn. Lík hennar fannst í baðkari á Hilton hótelinu í Beverly Hills.

Fregnir herma að mikið magn af uppáskrifuðum lyfjum hafi verið á í hótelherberginu.

Bobbi Kristina, dóttir Houstons, hefur tvisvar fengið aðhlynningu lækna eftir að móðir hennar féll frá. Bobbi stefndi á að feta í fótspor móður sinnar og höfðu mæðgurnar unnið að framleiðslu hljómplötu.

Bobbi sagði að móðir sín hafi verið spennt fyrir framtíðinni.