Brahimi tekinn við af Kofi Annan

Alsírski diplómatinn og fyrrum hermaðurinn Lakhdar Brahimi hefur tekið við sem erindreki Sameinuðu Þjóðanna og Arababandalagsins í Sýrlandi eftir að Kofi Annan sagði starfinu lausu.

Leiðtogar heimsins fagna komu hans í embættið og bæði Bandaríkin og Rússland segjast opin fyrir nánu samstarfi við hann. Sýrlensk yfirvöld hafa sömuleiðis boðið hann velkominn í starfið.

Kofi Annan hefur að undanförnu reynt án árangurs að koma á vopnahlé í landinu en nú tekur Brahimi við því verkefni. Frá þessu er greint á vef BBC.