Tugmilljónir í reiðhjólaförgun

Borgaryfirvöld í Kaupmannahöfn áætla að verja jafngildi tæpra 50 milljóna íslenskra króna í ár til þess að fjarlægja reiðhjól sem hafa verið yfirgefin víðs vegar um borgina.

Yfirgefin hjól eru sérstaklega til vandræða við lestarstöðvar þar sem talið er að sjötta hvert hjól hafi verið skilið eftir.

Í frétt Berlingske segir talsmaður borgarinnar að ætla megi að um 40.000 hjól séu skilin eftir í reiðileysi í borginni ár hvert.

Borgarstarfsmenn merkja þau hjól sem grunur leikur á að séu yfirgefin, og sækja þau síðar til förgunar eða sölu á uppboði. - þj